UKRAİNA PREZİDENTİNİÑ QIRIM MUHTAR
CUMHURİYETİNDEKİ TEMSİLCİLİGİ
Temsilcilik taqımı/Qırım platforması Ofisi de Mustafa Cemilevni 78 yıllığınen hayırlay. Mustafa ağanıñ Qırım platforması sammitindeki sözlerini hatırlaymız: «Çaqallarnıñ alemi arslanlar uyanğanına ve ayaqqa turğanına qadar devam ete».
Hayırlı yaşlar olsun, Mustafa ağa!
Ukraina Prezidentiniñ Qırım Muhtar Cumhuriyetindeki Temsilciligi vaqtınca işğal etilgen Qırım Muhtar Cumhuriyeti ve Aqyar şeeri topraqlarında Rusiye Fedaratsıyasını temsil etken ve Ukraina vatandaşı, abulqat Edem Semedlâyevniñ azatlıqtan marum etilmesini maqsat etip qoyğan işğalci akimiyetniñ cinaiy areketlerini qattı sürette takbih ete.
Bugün sözde ”Aqmescit rayonı merkeziy mahkemesi” tarafından abulqat Edem Semedlâyevniñ sözde «polis talaplarına riayet etmegeni içün» qanunsız şekilde cezalanıp 12 künge memuriy apiske alınuvı ve oña 4 biñ ruble miqdarında cöreme kesilüvi vaqtınca işğal etilgen Qırım Muhtar Cumhuriyeti ve Aqyar şeeri topraqlarında Ukraina vatandaşlarını siyasiy, diniy baqışları ve ihtisaslı ve gradanlıq faaliyetleri içün taqip etüvden başqa bir şey degildir.
Eminmiz ki, Rusiye Fedaratsıyasını temsil etken işğalci akimiyetniñ Edem Semedlâyevğa qarşı mütenasip areketleri işğalci devletniñ mahsus quvetleri tarafından uydurılıp, siyasiy sebeplerden açılğan davalarda Ukraina vatandaşlarını qorçalağan abulqatnıñ ihtisaslı faaliyetinen bağlıdır.
Rusiye Federatsıyasını abulqat Edem Semedlâyevni deral azat etmege, vaqtınca işğal etilgen Qırımda cezalavlarını ve Ukraina vatandaşlarınıñ siyasiy baqışları, mevamları ve fikirleri içün, em de ihtisaslı ve grajdanlıq faaliyetleri munasebetinen taqip etilmesini toqtatmağa çağıramız.
Edem Semedlâyevğa qol tutuvımıznı bildiremiz. Ukraina bu ve başqa cinayetlerde qabaatlı olğan şahıslarnıñ mesüliyetke çekilmesi içün qolundan kelgenini yapacaqtır.
Ukraina taraftan ürmetli musafirlerni Ukraina Prezidentiniñ Qırım Muhtar Cumhuriyetindeki Daimiy Temsilcisi Anton Korınevıç ve onıñ muavinleri Darya Svırıdova ve Tamila Taşeva qarşıladı.
Anton Korınevıç Qırım platforması ofisi aqqında ikâye etti, onıñ Ukraina Prezidentiniñ Qırım Muhtar Cumhuriyetindeki Temsilciliginiñ terkibine kirgenini tarif etti, platformanıñ faaliyetinen tafsilâtlı şekilde tanıştırdı. Hususan munasebetler seviyesini, amelge keçirilgen ve keçirilecek leyhalarını taqdim etti.
2021 senesiniñ çiçek ayından başlap berim ayına qadar ”Almenda” grajdanlıq maarif merkezinde çalışqan zenaatdaşlarımız ”Umumiy tasil: kelecekni beraberlikte quramız” leyhası çerçivesinde vaqtınca işğal etilgen Qırım Muhtar Cumhuriyeti ve Aqyar şeeri topraqlarında yaşağan Ukraina vatandaşlarınıñ tasil aqlarını ve tasil ihtiyaclarını yerine ketirüvni nezaret etip, işbu topraqlarda yaşağan vatandaşlarımız içün Ukrainada tasil aqlarınıñ mevcudiyetini, maqbuliyetini ve uyğunlaştırıluvını miqdar ve keyfiyet ceetinden belgilegen köstergiçlerni tedqiq etip, ”Vaqtınca işğal etilgen Qırımdan kelme balalarnıñ tasil aqlarını yerine ketirüvge dair devlet siyasetine qıymet kesüv” mevzusında analitik esabatnı azırladılar.
Körüşüvde Ukrainada TİKA yönetisici Cüneyt Esmer, yönetici muavini Zeynep Bingisu Ugur Çubukkesen, yardımcı-terciman Nayle Seydametova, Ukraina Prezidentiniñ Qırım Muhtar Cumhuriyetindeki Daimiy Temsilcisi Anton Korınevıç ve onıñ muavinleri Darya Svırıdova ve Tamila Taşeva iştirak ettiler.
Şu künü orman hadimleri ile beraberlikte ”Kıyiv orman hocalığı” devlet şirketine ait olğan ormanlarda 6500 çam ve emen fidanı saçıldı.
Ormanlarnı meydanğa ketirüv topraq bozulmasına, ozenlerniñ kirlenmesine ve saylaşmasına, çölleşmege yol bermegen, biologik çeşitliginiñ saqlanmasına hızmet etken ve klimatik deñişmelernen küreşken küçlü vastadır.
Qırım_SOS tarafından teşkil etilip, vaqtınca işğal etilgen Qırımda etraf müitni yoq etken şahıslarnıñ mesüliyetke çekilmesine bağışlanğan onlayn körüşüvler.
Tedbirni aşağıdaki bağlantı vastasınen baqıp çıqmaq mümkün: https://fb.watch/95YND17DyB/
Boş aynıñ 5-de Ukrainada resmiy ziyaret ile bulunğan Avropa Şurasınıñ Baş kâtibi Mariya Peyçınovıç-Burıç ve Ukraina Prezidentiniñ Qırım Muhtar Cumhuriyetindeki Daimiy Temsilcisi Anton Korınevıç, Ukrainanıñ Avropa Şurasında Daimiy Temsilcisi Borıs Tarasük, Ukraina çetel işler Naziriniñ birinci muavini Emine Caparova ve Ukraina eyyetiniñ diger azaları vaqtınca işğal etilgen Qırım yarımadası ile memuriy sıñırdaki ”Qalançaq” KÇNN-nı ziyaret ettiler.
“Vaqtınca işğal etilgen Qırım yarımadası ile memuriy sıñırdaki ”Qalançaq” KÇNN”
İşbirlik ve kelecekteki leyhalar aqqında laf ettiler, bundan ğayrı Qırımdan kelme studentlerge rast kelgen problemlerni, Temsilcilik tarafından berile bilecek yardım imkâniyetlerini muzakere ettiler.
Ukraina Prezidentiniñ Qırım Muhtar Cumhuriyetindeki Temsilciligi / Qırım Platforması Ofisi gençlernen çalışmağa azırlar! Çünki bügünki studentlerniñ biz başlağan işlerni yarın devam ettireceklerini, şu cümleden, insan aqlarını qorçalap, topraqlarımıznı qaytaracaqlarını epimiz añlaymız!