Haberler

Ukraina Prezidentiniñ Qırım Muhtar Cumhuriyetindeki Temsilciligi / Qırım platforması ofisinde büyük ve mündericeli körüşüv olıp keçti. AB insan aqları boyunca mahsus vekili Eymon Gilmor ve AB eyetleriniñ vekilleri bizge musafirlikke keldiler.

“Qırımda insan aqları saasında vaziyet ve Avropa Birligi insan aqlarını qorçalav mevzusında nasıl yardım ete bile”

Ukrainanıñ topraq bütünligini ve egemenligini qorçalağan, 2014 senesiniñ baarinde Qırım içün küreşken, antına sadıq qalğan er keske sıñırsız minnetdarlığımıznı bildiremiz! Bugün biz, Ukrainanı Rusiye istilâsından qorçalağan ve qorçalamağa devam etken er kesni añamız!

Elâk olğan qırımlı askerlerni, canlarını feda etip, Ukrainanı qorçalağan insanlarnı añmaq içün başlarımıznı egemiz! Birer-birer olarnıñ adlarını hatırlaymız: https://cutt.ly/nRyjSde

Temsilcilik Mustaqilligimizni qorçalağan qırımlı askerlerni selâmlay. Ekim ayınıñ 14-ü ukrain arbiy ananeleriniñ ğayrıdan tiklenmesi ceetinden müim bir kündir.

Qırım üzerinde ukrain bayrağı eñ yaqın vaqıtta yelpireycegine inanamız.

Qırımtatar arbiy areketler iştirakçileri teşkil etken «Qırım Ğazi» cemaat birligi, Qırım veteranları şurası, Qırımdan köçme ukrainalıları Krayova şurası – KRUK

Bugün eki müim körüşüv olıp keçti. Birincisine Kanada temsilcileri – Ukrainadaki Kanada elçihanesindeki tışqı siyaset ve diplomatiya bölüginiñ müdiri Riçard Kolvin ve Şarqıy Avropa (Global Affairs Canada) bölüginiñ icra müdiresi Allison Stüart büyürdılar.

“Qırım platforması Ofisinde, Ukraina Prezidentiniñ Qırım Muhtar Cumhuriyetindeki Temsilciliginde qısqa, amma pek semereli bir afta”

”Şeer sesleri” leyhasınıñ 7 eykellerden Qırımğa bağışlanğan soyu Qırım platforması Ofisi / Ukraina Prezidentiniñ Qırım Muhtar Cumhuriyetindeki Temsilciligi topraqlarında tiklendi.

Açılış merasiminde Anton Korınevıç şunı qayd etken edi:

“Endiden başlap, Qırım sesini Kıyivde de eşitmege mümkün!”

Bu sefer Ukraina Prezidentiniñ Qırım Muhtar Cumhuriyetindeki Temsilciligini İndoneziya Cumhuriyetiniñ Ukrainadaki Fevqulâde ve Vekâletli Elçisi Yuddi Krisnandi, Romaniyanıñ Ukrainadaki Fevqulâde ve Vekâletli Elçisi Kristian-Leon Tsurkanu, Moldova Cumhuriyetiniñ Ukrainadaki Elçihanesiniñ ekinci kâtibi Timur Luçin ve GUAM temsilcisi ziyaret ettiler.

Anton Korınevıç ürmetli musafirlerge Qırım platforması Ofisini ve Temsilcilk taqımınıñ fikirince eñ yaqın zamanda ofisniñ ne ile oğraşacağını taqdim etti.

“Qırım Platforması Ofisi çetel devlet ve halqara teşkilâtlarnıñ vekilleri ile nevbetteki körüşüvler keçirdi”

Tünevin jurnalist ve cemaat faalleri ile Odesa şeerinde keçirilgen körüşüv işbu mevzuğa bağışlanğan edi.

Munaqaşada Ukraina Prezidentiniñ Qırım MC-deki Daimiy Temsilcisiniñ birinci muavini Darya Svırıdova iştirak etti. O, keçici devirdeki adalet ilkelerini ve cenkniñ aqibetlerini aşuv oğrundaki devlet siyasetini inkişaf ettirüvge dair devlet tarafından alınıp barılğan faaliyetni taqdim etti.

Bundan ğayrı, tedbir iştirakçileri Ukrainadaki silâlı davanıñ menfiy aqibetlerini aşuvnen bağlı meselelerge Ukraina sakinleriniñ munasebetlerini aks ettirgen tedqiqatnıñ neticelerinen tanış oldı. Tafsilâtlı malümat bu yerdedir: https://cutt.ly/2E54mBa

“Keçici devirdeki adalet silâlı davalarnı aşmaq, tınçlıqqa irişmek, tınçlıqnı qurmaq ve devam ettirmek içün hızmet ete bilecek yanaşuvlardan biridir”

Kursnıñ müellifleri arasında Ukraina Prezidentiniñ Qırım Muhtar Cumhuriyetindeki Daimiy Temsilcisi Anton Korıneviç, jurnalist ve aq qorçalayıcı Alim Aliyev, Ukraina çetel işler Naziriniñ birinci muavini Emine Caparova, Ukraina Yuqarı şurası deputatı, Qırımtatar halqınıñ lideri Mustafa Cemilev, aktör ve rejissör Ahtem Seyitablayev, kinorejissör Oleg Sentsov, Taras Şevçenko adına Kıyiv Milliy Universitetiniñ rektorı Volodımır Bugrov bardır.

“Qırım, tamır Qırım halqları, Qırım tarihı, medeniyeti ve adetleri aqqındaki bilgilerini arttırmağa aves etkenlerniñ diqqatına. Berim ayınıñ 10-da «Prometheus» tasil platformasında Taras Şevçenko adına Kıyiv Milliy Universiteti tarafından ocalar, yetekçi alimler, cemaat ve devlet erbaplarınıñ ğayretlerinen vucutqa ketirilgen ”Qırım – bizlermiz” bedava onlayn-kursı başlandı”

2021 senesi ekim ayınıñ 8-de Qırım Platforması Ofisinde, Ukraina Prezidentiniñ Qırım Muhtar Cumhuriyetindeki Temsilciliginde Ukraina Prezidentiniñ Qırım Muhtar Cumhuriyetindeki Daimiy Temsilcisi Anton Korınevıçnıñ yolbaşçılığında vaqtınca işğal etilgen Qırım Muhtar Cumhuriyeti ve Aqyar şeeri topraqlarındaki medeniy mirasımız ”Hersones-Tavriya” Milliy qoruğını qorçalav meseleleri boyunca idareler arası iş muşaveresi olıp keçti.

“Vaqtınca işğal etilgen Qırım Muhtar Cumhuriyeti ve Aqyar şeeri topraqlarındaki medeniy mirasımız ”Hersones-Tavriya” Milliy qoruğını qorçalav meseleleri boyunca iş muşaveresi”

Ekim ayınıñ 6-7 künleri Qırım Platforması Ofisiniñ bir sira ecnebiy eyyetler ile halqara teşkilâtlarğa taqdim etilüvi çerçivesinde Ukraina Prezidentiniñ Qırım MC-deki Temsicliliginiñ reberiyeti diplomatlarğa aq qorçalayıcı, ”Qırım birdemligi” birleşmesiniñ faali Mumine Saliyevanıñ ”Apis etilüvden soñ doğğanlar” fotoleyhasını numayış ettiler. Leyha, qanunsız alda apis etilgen Qırım sakinleriniñ balalarına, babalarınıñ apis etilüvinden soñ dünyağa kelgen qızçıq ve oğlançıqlarğa bağışlanğandır.
İlk-evelâ fotoleyha onlayn şekilde bu yılnıñ başında meydanğa ketirilgen edi: https://www.bornafterarrest.net.Amma Qırım Platformasınıñ başlatılması oflayn serginiñ teşkil etilmesi içün imkânlar yarattı.

“Qırım Platforması Ofisinde, Ukraina Prezidentiniñ Qırım Muhtar Cumhuriyetindeki Temsilciliginde Mumine Saliyevanıñ ”Apis etüvden soñ doğğanlar” fotoleyhası diplomatlarğa, jurnalistlerge, iş adamlarına ve cemiyetke taqdim etildi”