Tünevin jurnalist ve cemaat faalleri ile Odesa şeerinde keçirilgen körüşüv işbu mevzuğa bağışlanğan edi.
Munaqaşada Ukraina Prezidentiniñ Qırım MC-deki Daimiy Temsilcisiniñ birinci muavini Darya Svırıdova iştirak etti. O, keçici devirdeki adalet ilkelerini ve cenkniñ aqibetlerini aşuv oğrundaki devlet siyasetini inkişaf ettirüvge dair devlet tarafından alınıp barılğan faaliyetni taqdim etti.
Bundan ğayrı, tedbir iştirakçileri Ukrainadaki silâlı davanıñ menfiy aqibetlerini aşuvnen bağlı meselelerge Ukraina sakinleriniñ munasebetlerini aks ettirgen tedqiqatnıñ neticelerinen tanış oldı. Tafsilâtlı malümat bu yerdedir: https://cutt.ly/2E54mBa
Tedqiqatnı Ukraina Prezidentiniñ Qırım Muhtar Cumhuriyetindeki Temsilciliginiñ sımarışı üzerine ZMİNA İnsan aqları merkezi ile işbirlikte Harkiv içtimaiy tedqiqatlar institutı keçirdi.
Odesa şeerindeki körüşüv, ealiniñ çeşit tabaqaları arasında keçici devirdeki adalet mevzuları nasıl etip aydınlatılacağına dair matbuat vastaları ve devlet organları içün tevsiyeler meydanğa ketirmek maqsadınen regionarda keçirilecek bu kibi tedbirlerniñ ilkidir.
Tedbirniñ keçirilüvine Kanada yerli teşebbüslerge destek fondu #CanadaFundUA. qol tuttı.
Alöna Lunöva, Darya Svırıdova, Denis Kobzin.