Ukraina taraftan ürmetli musafirlerni Ukraina Prezidentiniñ Qırım Muhtar Cumhuriyetindeki Daimiy Temsilcisi Anton Korınevıç ve onıñ muavinleri Darya Svırıdova ve Tamila Taşeva qarşıladı.
Anton Korınevıç Qırım platforması ofisi aqqında ikâye etti, onıñ Ukraina Prezidentiniñ Qırım Muhtar Cumhuriyetindeki Temsilciliginiñ terkibine kirgenini tarif etti, platformanıñ faaliyetinen tafsilâtlı şekilde tanıştırdı. Hususan munasebetler seviyesini, amelge keçirilgen ve keçirilecek leyhalarını taqdim etti.
Hırvatistan tarafı devletimizniñ tışqı trekteki faaliyetinen yetinmeyip, aynı vaqıtta Qırım yarımadasını işğalden azat etüv ve ğayrıdan integratsiya etüvni maqsat etip qoyğan içki siyasetni amelge keçirüv üzerinde çalışqanına müsbet qıymet kesti.