Haberler

Boş aynıñ dörtünci cumaertesi kününde Ukraina açlıqnen öldürilgen ukrainalılarnıñ cemisini aña.
Bu, kommunistik tertibiniñ insaniyetke qarşı deşetli cinayeti ve memleketimizniñ faciasıdır.

Bugün, saat 16:00-da, umummilliy sükünet daqqası ilân etilecek, bundan soñ Ukrainanıñ er yerinde ”Çıraqnı yaq” tedbiri keçirilecek.

Bu künü iç bir pencere yalıñız qalmamalı. Öz pencereñizde hatıra çırağını yaqıñız. Aqşam qaranlığında bu kiçik alevçikler qorqunçlı cezalavlarnı hatırlağan ukrainalılarnıñ közlerini añdıracaq.

Soyqırım cinayetiniñ iç bir vaqıt tekrarlanmaması içün, biz Golodomor aqqında bilmelimiz!

Mustaqillik oğrundaki küreşniñ fiyatını bilgen küçlü millet olmamız içün, Golodomor aqqında hatırlamalımız!

Ukraina Prezidentiniñ Qırım Muhtar Cumhuriyetindeki Daimiy Temsilcisiniñ muavini Tamila Taşeva qayd etkeni kibi, ”Menim nesilim, NKVD ukrain köylerinde ve şeerlerinde qıtlıq ile cezalavlarını başlatqan soñ, NKVD sıñırlarından mücizeli şekilde keçip, açlıqtan mecalsız alda Qırımda peyda olğan ve qurtulış qıdırğan qıta sakinleri aqqında ana-babalarımıznıñ çoqtan-çoq ikâyelerini hatırlay. Bu qorantalardan birini menim qorantam qurtardı, pek çoq insan başqa qırımtatar qorantalarına sığanaq taptı”.

Ukraina Prezidentiniñ Qırım Muhtar Cumhuriyetindeki Temsilciligi umummilliy añuv tedbirlerine qoşula ve beraberlikte evleriñizniñ pencerelerinde, ya da mesken yerleriñizdeki Golodomor qurbanlarını hatırlav taşları yanında çıraqlar yaqmağa davet ete.

Biz hatırlaymız! Biz küçlümiz!

#QırımUkrainadır #UkrainaPrezidentiniñQırımMCTemsilcilgi #QırımPlatforması #CrimeaPlatform #Ukraina #Ukraine #Qırım #Crime

Ukraina Prezidentiniñ Qırım Muhtar Cumhuriyetindeki Temsilciliginde akimiyet organları vekilleriniñ ve Qırım platforması Ofisiniñ Qırım platformasınıñ halqara Ekspertleri ağınıñ tanımama siyaseti ve sanktsiyalar boyunca taqımnıñ ekspertleri ile körüşüv olıp keçti.

Körüşüvniñ maqsadı:

🔳 akimiyet organları vekillerini Qırım platformasınıñ halqara Ekspertleri ağınıñ tanımama siyaseti ve sanktsiyalar boyunca taqımı ile tanıştırmaq
🔳 Ukraina devletiniñ sanktsion siyasetini islâat etüv, Ukraina milliy sanktsiyalarını halqara ortaqlarımıznıñ sanktiyalarınen aynı vaqıtta amelge keçirüv meselesinde problemli noqtalar, devlet ve cemaat sektorları arasında yañı sanktsion paketlerini şekillendirüvge dair uyğunlaştıruv vastalarnı işlep çıqaruv saalarında al-azırdaki vaziyet boyunca ekspertlerniñ planları, faaliyetleri ve tevsiyeleri aqqında ikâye etmek.
🔳 aktual haberlernen paylaşmaq. 

🔳 RF-nıñ Ukrainağa qarşı tecavuzı ve Qırım MC ile Aqyar şeerini ilhaq etüv teşebbüsi munasebetinen amelge keçirilgen sanktiyalarnıñ semereligini arttıruv ve sanktsion siyasetini islâat etüv boyunca işbirlik aqqında añlaşmaq.

Ukraina Prezidentiniñ Qırım Muhtar Cumhuriyetindeki Daimiy Temsilcisi Anton Korınevıç böyle yekün çekti:

”Bugün beraberlikte yapqan bütün areketlerimiz, Qırımnıñ işğalden azat etilüvine hızmet etecek qararlarğa çevirilmeli”.

Körüşüvde Ukraina Çetel işler Nazirliginiñ sanktsion siyaseti meseleleri boyunca mahsus vekili Oleksiy Makeyev, Vaqtınca işğal etilgen Ukraina topraqlarını ğayrıdan integratsiya etüv meseleleri boyunca nazir muavini İgor Yaremenko, Qırım MC ve Aqyar şeeri Prokuraturasınıñ reber muavini Nariman Suleymanov, Ukraina halq deputatları Yuliya Klımenko ve Vadım Galaçuk, Vaqtınca işğal etilgen Ukraina topraqlarını ğayrıdan integratsiya etüv meseleleri boyunca Nazirlikniñ, Ukraina çetel işler Nazirligindeki Siyasiy direktoratnıñ, aq qorçalayıcı teşkilâtlarınıñ vekilleri ve saire iştirak etti.

#QırımUkrainadır #UkrainaPrezidentiniñQırımMCTemsilcilgi #QırımPlatforması #CrimeaPlatform #Ukraina #Ukraine #Qırım #Crime 

Bugün ”İstegen er kes kettimi?” içtimaiy çizilgen film leyhasınıñ yañı sanı aqqında ikâye etermiz.

Bu, çeşit türlü sebeplerden ötrü vaqtınca işğal etilgen Qırımda ve Ukraina şarqında yaşamağa devam etken insanlar aqqında ikâye etken on dane multfilmdir.

Olarğa nisbeten ”İstegen er kes ketti” degen ibareni eşitmek mümkün. Vesselâm. Dersiñ, cenk başlanğan soñ işğal etilgen topraqlarnı terk etmegen insanlarnıñ cemisi Rusiye tarafdarları olup, Putinge ve ”rus baarine” qol tuttı. Onıñ içün olarğa, Ukrainağa hıyanetlik etken ve ”rus dünyasını” saylağan hainler dep aytmağa mümkün.

Bu multfilmler vaqtınca işğal etilgen topraqlarda yaşağan kerçek insanlarnıñ taqdirlerini numayış ete. Olar, bu insanlarnıñ evlerinde qalmaq qararları nege esaslanğanını köstere ve seyirci, işbu qarar olarnıñ ille de Ukraina ile ”rus dünyası” arasında saylamaq mecburiyetinde qalmağanlarını şahsen añlap olur.

”İstegen er kes kettimi?” leyhası ZMİNA. İnsan aqları merkezi ve Real Stories Production tarafından USAİD halqara inkişaf agentliginiñ qol tutuvı ile meydanğa ketirildi.

Leyhanıñ rejisörı Kseniya Kravtsova

Prodüserleri Yelizaveta Sokurenko, İnnokentiy Vırovıy

İcatkâr prodüser Anastasiya Falileyeva

Animatsiya rejisörları Anastasiya Falileyeva, Klım Klımçuk ve Rodion Şub

Leyhanıñ mesleatçısı ZMİNA. İnsan aqları merkeziniñ advokatsiya boyunca idarecisi Alöna Lunöva

Söz kelimi, ”İstegen er kes kettimi?” leyhası al-azırda  Isar Ednannia tarafından teşkil etilgen konkursta ”Seneniñ piar-leyhası” olaraq namzet kösterildi.

Olarğa aşağıdaki bağlantı vastasınen qol tuta bilirsiñiz: 

https://www.facebook.com/isar.ednannia/posts/3096895347247869

 Ve qırımtatar qadını, aq qorçalayıcı, ana ve siyasiy mabusnıñ ömür arqadaşı Mumine Saliyevanıñ toqunaqlı ikâyesinen tanış oluñız: https://youtu.be/Pt_gVmPu8ec.

#QırımUkrainadır #UkrainaPrezidentiniñQırımMCTemsilcilgi #QırımPlatforması #CrimeaPlatform #Ukraina #Ukraine #Qırım #Crime

Anton Korınevıç çıqışı esnasında tedbirde bulunğanlarnı keçici devirdeki adaletniñ 4 esas qısımlarınen tanıştırdı.
Yani, olar:

• eñ ağır cinayetler içün mesüliyet
• silâlı davanıñ ketişatı aqqında aqiqatnı bilmek aqqı
• silâlı davanıñ tekrarlanmazlığı oğrunda islâatlarnı amelge keçirüv
• zarar körgen şahıslarğa zararlarını tazmin etüv, olarnıñ aq-uquqlarını ğayrıdan tiklev. Bunıñ em maneviy, em de maddiy ceeti bardır.

İnsan aqlarını belgilev keçici devirniñ özegidir, buña köre Ukraina Prezidenti yanındaki uquqiy islâat meseleleri boyunca komissiya ve hususan onıñ vaqtınca işğal etilgen topraqlarnı ğayrıdan integratsiya etüv boyunca iş gruppası keçici devirdeki adaletke dair milliy kontseptsiya leyhasını azırladı”, – dep qayd etti Anton Korınevıç.

Tedbir çerçivesinde iştirakçiler aşağıdaki meselelerni de muzakere ettiler:

1. davadan zarar körgen şahısnıñ mevamını, aqlarını ve serbestliklerini qanunlar seviyesinde pekitüvniñ zaruriyeti
2. Ukrainada keçici devirdeki adaletniñ ihtimal amelge keçirilüvi munasebetinen ayrı şahıslarnı zarar körgenler olaraq qabul etüv meselesi
3. silâlı davadan zarar körgenlerni belgilevge dair halqara tecribe ve ameliyat.

Toplaşuvda Ukraina halq deputatları, Ukraina Baş nazir muavini – vaqtınca işğal etilgen Ukraina topraqlarını ğayrıdan integratsiya etüv meseleleri boyunca Nazir İrına Vereşçuk, merkeziy akimiyet organlarınıñ, Ukraina Yuqarı Şurası yanında insan aqları boyunca Vekâletliniñ, yerli akimiyet organlarınıñ, halqara ve cemaat teşkilâtlarınıñ temsilcileri iştirak etti.

Yazılğan şekilde toplaşuvnı aşağıdaki bağlantı boyunca seyir etmek mümkün: https://youtu.be/AK5VasI86Sc

#QırımUkrainadır #UkrainaPrezidentiniñQırımMCTemsilcilgi #QırımPlatforması #CrimeaPlatform #Ukraina #Ukraine #Qırım #Crime 

1. Bu bağlantı boyunca keçiñiz: https://www.facebook.com/isar.ednannia/posts/3096877870582950
2. Metin altında ”4” raqamı şeklinde izaat yazıñız.
3. Vesselâm! Sağ oluñız

Rusiye istilâsı virtual muzeyi – Ukraina topraqlarında RF istilâsı devamında yüz bergen esas adiseler ve cinayetler aqqında birinci menba.

Leyhanıñ maqsadı, Ukrainağa qarşı Rusiye Federatsiyasınıñ silâlı istilâsınıñ ketişatını ve aqibetlerini devlet akimiyet organları, grajdanlıq teşebbüsleri ve halqara teşkilâtlar tarafından cedvelge aluv boyunca faaliyetniñ neticelerini toplamaqtır.

İnternet-portalda ukrain ve ingliz tillerinde kerçek, obyektiv malümalar mevcut. Olar, resmiy ukrain ve halqara teşkilâtlar tarafından tasdıqlanğan berilerge esaslana.

Portalda şaatlarnıñ şaatlıqları, arhiv menbalar, milliy matbuat vastalarınıñ haberleri, halqara teşkilâtlarınıñ qararları ve qararnameleri, fotoresimler ve video malümatlar ile tanış olmaq mümkün.

Leyhanıñ ortaqları: Ukraina Prezidentiniñ Qırım Muhtar Cumhuriyetindeki Temsilciligi, Ukraina milliy hatıra institutı, Prometheus Center , Halqara ”Renaissance” fondu, Baş prokuror Ofisi, Qırım Muhtar Cumhuriyeti ve Aqyar şeeri Prokuraturası, Ukraina çetel işler Nazirligi/MFA of Ukraine, Ukraina adliye Nazirligi, Ukraina medeniyet ve haber siyaseti Nazirligi, Qırımtatar Maaliy Merkezi, Qırım_SOS, İnsan aqları boyunca Ukraina-Helsinki birligi , InformNapalm, ZMINA. İnsan aqları merkezi, Yaqın Şarq araştıruvları merkezi, ”Jurnalistik taqiqatlar merkezi” Haberler agentligi, Kremlniñ siyasiy mabuslarınıñ aqrabaları birligi, ”Krımska svitlıtsâ”, ”Almenda” grajdanlıq maarif merkezi, Regional insan aqları merkezi, Qırım aq qorçalayıcı gruppa.

#QırımUkrainadır #UkrainaPrezidentiniñQırımMCTemsilcilgi #QırımPlatforması #CrimeaPlatform #Ukraina #Ukraine #Qırım #Crime 

2021 senesi boş aynıñ 21-de ”«Qırım» serbest iqtisadiy zonasını teşkil etüv ve vaqtınca işğal etilgen Ukraina topraqlarında iqtisadiy faaliyetni yürsetüv aqqında” Ukraina Qanunını lâğu etüv ve bazı Ukraina qanunlarına deñişmeler kirsetüv aqqında” Ukraina qanunı amelge keçirildi.

Bu qanun bir çoq devlet organlar ve cemaat teşkilâtlar tarafından devamlı ve muntazam şekilde alınıp barılğan faaliyetniñ neticesidir. “”Endiden başlap, vaqtınca işğal etilgen Qırım ile memuriy sıñırda gümrükhane yoq. Qırım ile memuriy sıñır, devlet sıñırı degil, anda gümrükhaneniñ keregi yoq”, – dep izaatladı Ukraina Prezidentiniñ Qırım Muhtar Cumhuriyetindeki Daimiy Temsilcisi Anton Korınevıç”

Bu yerde olar ”Qırım” serbest iqtisadiy zonasınıñ lâğu etilmesinden soñ kiriş-çıqış nezaret noqtasınıñ faaliyeti ile tanış oldılar. ”Qalançaq” KÇNN-nı ”Reyintegratsiya ta vidnovlennâ” Devlet müessisesiniñ balansına keçirmek ve muntazam yolcu naqliyatını teşkil etmek kerek olğanını muzakere ettiler.

Eyyet azaları memuriy sıñırdaki vaziyet ile tanış oldı ve bütün mütenasip devlet organları, uquq qorçalav organları, cemaat teşkilâtları ve Qırımtatar Milliy Meclisiniñ vekillerinen iş körüşüvlerini keçirdiler.

#QırımUkrainadır #UkrainaPrezidentiniñQırımMCTemsilcilgi #QırımPlatforması #CrimeaPlatform #Ukraina #Ukraine #Qırım #Crime 

Ukraina Prezidentiniñ Qırım Muhtar Cumhuriyetindeki Temsilciliginiñ faaliyetine yüksek qıymet kesilgeni ve böyle hoş körüşüvler keçirilgeni içün minnetdarlığımıznı bildiremiz.

Olar bizni ilhamlandıra.

Tafsilâtlı malümat: https://www.president.gov.ua/news/postijnij-predstavnik-prezidenta-ukrayini-v-ar-krim-pid-chas-71661

Ukraina Prezidenti Ofisi

#QırımUkrainadır #UkrainaPrezidentiniñQırımMCTemsilcilgi #QırımPlatforması #CrimeaPlatform #Ukraina #Ukraine #Qırım #Crime