Haberler

İşte, Ofis ve onıñ vazifeleri aqqında tafsilâtlıca ikâye etmege isteymiz.

Qırım platformasınıñ qurulış sammitinde Ukraina Prezidenti Volodımır Zelenskıy şunı qayd etken edi: ”Biz bu Sammitni, tek adı olsun dep keçirmeymiz. Qırım mevzusı halqara kün tertibinden kelecek yedi yıl devamında da yoq olmamalı. Onıñ içün biz, endiden başlap, ameliy faaliyetnen ve pek muayyen meseleler etrafında ğayretlerimizniñ yönetüvinen oğraşmalımız. Faaliyetimizni devam ettirmek maqsadınen Qırım platforması Ofisi meydanğa ketirildi”.

“Arman ayınıñ 23-de Kıyiv şeerinde Ukraina Prezidentiniñ Qırım MC-deki Temsilciligi terkibinde çalışqan Qırım platforması Ofisi açıldı”

Deliller 2021 senesiniñ baarinde Ukraina milliy hatıra institutı ve Ukraina Prezidentiniñ Qırım Muhtar Cumhuriyetindeki Temsilciligi tarafından başlatılğan ”Qırım. İşğal” ağzaviy-tarihiy leyhası çerçivesinde yazılğan edi.

Tedbirde Qırım işğali aqqında video hatırlavlar toplamı ve olarnıñ esasında azırlanğan rağbetleştirici videolar taqdim etildi.

“Ukraina Prezidentiniñ Qırım Muhtar Cumhuriyetindeki Temsilciligi Ukraina milliy hatıra institutı ve İnsan aqları boyunca Ukraina-Helsinki birligi beraberlikte USAİD Ukraine ”İnsan aqları amelde” leyhası çerçivesinde Qırım işğali aqqında yañı video hatırlavlar toplamını taqdim ettiler”

Video

Yarın, berim ayınıñ 14-de, Ukraina Prezidentiniñ Qırım Muhtar Cumhuriyetindeki Temsilciligi Ukraina milliy hatıra institutı ve İnsan aqları boyunca Ukraina-Helsinki birligi beraberlikte USAİD Ukraine ”İnsan aqları amelde” leyhası çerçivesinde Qırım işğali aqqında ”Qırım. İşğal” serlevalı ağzaviy-tarihiy leyha çerçivesinde yazılğan yañı video hatırlavlar toplamını taqdim eteler.

“”Qırım. İşğal” serlevalı ağzaviy-tarihiy leyha çerçivesinde yazılğan yañı video hatırlavlar toplamı”

Berim ayınıñ 13-de saat 11:00-de Ukraina Prezidentiniñ Qırım Muhtar Cumhuriyetindeki Daimiy Temsilcisi Anton Korınevıç ”Ukrainada demokratiya ile insan aqlarını inkişaf ettirüv oğrundaki grajdanlıq cemiyeti” leyhası çerçivesinde keçirilgen «Qırım sanktsiyaları: olardan qaçınuv vastaları ve Avropa Birliginde mesüliyetke çekilüv» mevzusında vebinarda qonuşmacı olaraq iştirak etecek.

Vebinar İnsan aqları oğrundaki media teşebbüsi tarafından  Euromaidan Press ile beraberlikte teşkil etildi.

“«Qırım sanktsiyaları: olardan qaçınuv vastaları ve Avropa Birliginde mesüliyetke çekilüv» mevzusında vebinarda iştirak etüv”

Bu kibi ”qararlar” yalıñız yaqalanğanlarnı etraf müitten ayıruvnı ve şahsiy aq-uquqları, semetdeşleriniñ aq-uquqları içün küreşken faallerniñ qorqutıluvını maqsat etip qoyğandır.

Yaqalanğanlarnıñ aqrabalarına qol tutuvımıznı bildiremiz. Ukraina vaqtınca işğal etilgen Qırımnıñ işğalden azat etilmesi, yaqalanğanlarnıñ azat etilmesi, bu ”qararlarnıñ” çıqarılmasında ve başqa cinayetlerde qabaatlı olğanlarnıñ mesüliyetke çekilmesi içün qolundan kelgenini yapacaqtır.

“Ukraina Prezidentiniñ Qırım Muhtar Cumhuriyetindeki Temsilciligi vaqtınca işğal etilgen Qırım ve Aqyar şeeri topraqlarında Rusiye Federatsıyasınıñ işğalci memuriyetine boysunıp, uydurılğan cinaiy dava esasında qırımtatar faaleri Eldar Odamanovnı 14 künge, Şevket Üseyinovnı 15 künge, Aziz ve Asan Ahtemovlarnı ve Qırımtatar Milliy Meclis reisiniñ birinci muavini Nariman Celâlovnı 2 ayğa apis etken sözde ”mahkeme organlarınıñ” qararlarını taqbih ete”

Mütenasip teklif ile Temsilcilikke Qırım ukrainalılarınıñ Krayova şurası (KRUK) yanındaki Qırım veteranları şurasınıñ başlığı, Ukraina veteranları Nazirligi yanındaki Veteranlar Şurasında Qırım Temsilcisi Sergiy Vikarçuk muracaat etti.

“Bugün, berim ayınıñ 6-da, Ukraina Prezidentiniñ Qırım Muhtar Cumhuriyetindeki Daimiy Temsilcisi Anton Korınevıç vaqtınca işğal etilgen Qırımda yaşağan Ukraina vatandaşlarından Donbasta Ukrainanıñ egemenligini ve topraq bütünligini qorçalağan ve/ya da Ukraina Silâlı Quvetlerinde hızmet eken, vaqtınca işğal etilgen Qırım sakinleriniñ ya da memleket içinde avuşqan şahıslarnıñ aq-uquqlarını qorçalav oğrundaki semereli faaliyet yürsetken vatandaşlarımızğa Ukraina Prezidentiniñ Qırım Muhtar Cumhuriyetindeki Temsilciligi adından Fahriy yarlıqlar ve Minnetdarlıqlar taqdim etti”

Bugün qanunsız şekilde keçirilgen tintüv ve Qırımtatar Milliy Meclis reisiniñ muavini Nariman Celâlnıñ yaqalanması tamır qırımtatar halqını ve onı temsil etken organlarnı Qırımdan quvuvdan, aqlarını qorçalavda er türlü birdemlik ve faallik izarlarını boğuvdan başqa bir şey degildir. 

“Ukraina Prezidentiniñ Qırım Muhtar Cumhuriyetindeki Temsilciligi vaqtınca işğal etilgen Qırım Muhtar Cumhuriyeti ve Aqyar şeeri topraqlarında Qırımtatar Milliy Meclisiniñ temsilcilerini taqip etken Rusiye Federatsiyası işğalci memuriyetiniñ nevbetteki cinaiy adımlarını taqbih ete”

Körüşüv çerçivesinde Anton Korınevıç Ukraina Prezidentiniñ Qırım Muhtar Cumhuriyetindeki Temsilciligi terkibinde ayrı bir bölük olaraq faaliyetini yürsetken Qırım platforması Ofisini taqdim etti, bundan soñ taraflar Qırım platformasınıñ içki treki çerçivesinde kelecekteki işbirliknen bağlı planlarını ve Qırım platforması Ofisi faaliyetiniñ Qırımtatar Milliy Meclisi ile beraberlikte muayyen ceetlerden toldurılmasını muzakere ettiler.

“Bugün Temsilcilikte Ukraina Prezidentiniñ Qırım Muhtar Cumhuriyetindeki Daimiy Temsilcisi Anton Korınevıç ve onıñ muavini Tamila Taşeva Qırımtatar Milliy Meclisiniñ reisi Refat Çubarov ve Qırımtatar Milliy Meclisiniñ vekilleri Gayana Yüksel, İlmi Umerov, Riza Şevkiyev ve Eskender Bariyev ile körüştiler”