Haberler

Parlament azaları Herson vilâyeti devlet memuriyetiniñ Başlığı Sergiy Kozır, Herson vilâyeti şurasınıñ Başlığı Oleksandr Samoylenko ile körüşip, Ukraina Prezidentiniñ Qırım Muhtar Cumhuriyetinindeki Daimiy Temsilcisi Anton Korınevıç ile beraberlikte vaqtınca işğal etilgen Qırım Muhtar Cumhuriyeti ve Aqyar şeeri topraqları ile memuriy sınırındaki «Qalançaq» ve «Çaplınka» KÇÇN-nı ziyaret ettiler.
Bundan ğayrı, Qırımdan memleket içinde avuşıp, Herson vilâyetinde yaşağan şahıslar ve tamır qırımtatar halqınıñ vekilleri ile körüşüv ötkerildi.

“Arman ayınıñ 25-de Ukraina Yuqarı Şurasınıñ Avropa Şurası Parlament Assambleyasındaki Daimiy Eyetiniñ teşebbüsi ile Ukraina Prezidentiniñ Qırım Muhtar Cumhuriyetindeki Temsilciliginiñ daveti üzerine ”Qırım künü” programması çerçivesinde Ukraina Yuqarı Şurasınıñ Avropa Şurası Parlament Assambleyasındaki Daimiy Eyeti Lehistan, Çehiya, Latviya, Gürcistan parlamentleriniñ deputatları, Arnavutlıq ve İspaniya devletleriniñ vekillerinen beraber Herson vilâyetine resmiy ziyaret ile buyurdı”

Şu cümleden, «Yararlıq içün» ІІІ derece orden ile (cemaat faali, ‘Vinnitsâ şeerindeki ”Vetan” cemaat teşkilâtınıñ başlıq muavini) Nariman Bilâlov, (cemaat faali, vaqtınca işğal etilgen Qırım Muhtar Cumhuriyeti ve Aqyar şeeri topraqlarındaki aq qorçalayıcı) Abdureşit Cepparov, (Kremlniñ siyasiy mabusı) Volodımır Dudka; ”Knâginâ Olga” ІІІ derece orden ile (”İnsan aqları aqqında malümat merkezi” cemaat teşkilâtınıñ aq qorçalayıcısı) Alöna Lunöva ve (cemaat faali ve Kreml siyasiy mabusınıñ ömür arqadaşı) Mumine Saliyeva mükâfatlandırıldı.

“Ukraina Mustaqilligi Künü munasebetinen Ukraina Prezidenti Volodımır Zelenskıy 406/2021 sanlı Fermanı ile Qırımda yaşağan Ukraina vatandaşlarını devlet yarlıqlarınen mükâfatlandırdı”

Sağ oluñız! Devletimiz bunı köre ve buña qıymet kese. Biz beraberlikte ğalebege irişirmiz, bunıñ başqa çaresi yoqtır! Temsilcilik, bu şiirni daa bir kere, amma halq ögünde Rusiye işğalcilerinden azat etilgen Qırımda oqumañız içün qolundan kelgenini yapacaqtır.

Müelliflerniñ ğayretlerine qol tutıp, videonen mümkün olğanı qadar çoq insanlar arasında paylaşmağa çağıramız!

Video

Ukraina Prezidenti Volodımır Zelenskıy hayırlav çıqışında qayd etkeni kibi, ”Biz pek çoq yañı şeyler yapamız ki, Ukrainanıñ büyük memleket olğanı soñki sefer olmasın.
Qırım ile Donbass işğalden serbest olğan zamanları da soñki sefer olmasın.
Küçlü memleket meseleleriniñ çezilmesini başqalardan beklemey.
46 ecnebiy devletni toplap, Qırım platformasını keçire.
Biz andaki insanlarımız içün küreşemiz. Çünki topraqlarnı vaqtınca işğal etmek mümkün de, adamlarnıñ Ukrainağa sevgilerini işğal etmek imkânsizdir
Olarğa çaresizlikten pasportlar aldırmağa mümkün, amma ukrain yüreklerini pasportlaştırmaq mümkün degil.
Donbas ve Qırımdaki insanlar bu aqta aytmağa qorqqanları, olar bu aqta tüşünmege de qorqalar manasına kelmey.
Ve olar qaytırlar. Çünki biz, bir ailemiz. Bizni tek cömertliknen donatılğan bir sofra ayıra bile. Ve bu sofra başında oturğan arada biz mıtlaqa küçlü memleket olğanımıznı alğışlarmız”.

“Ukraina Prezidentiniñ Qırım Muhtar Cumhuriyetindeki Temsilciligi ukrain halqını ve şu cümleden vaqtınca işğal etilgen Qırım Muhtar Cumhuriyeti ve Aqyar şeeri topraqlarında yaşağan Ukraina vatandaşlarını Ukraina Mustaqilligi Künü ile hayırlay!”

Qırım platforması Ukraina tarafından teşkil etilip, devam etken Qırım işğaline halqara qıymet kesüvniñ semereligini arttıruvnı, artqan telükelerge cevap berüvni, Rusiye Federatsiyasına halqara basqını arttıruvnı, insan aqlarınıñ bozuluvlarınıñ ögüni aluvnı, qurbanlarnı qorçalavnı ve eñ esası – Qırım Muhtar Cumhuriyeti ile Aqyar şeeriniñ barışıq yolunen işğalden azat etilüvini maqsat etip qoyğan halqara konsultativ-yönetici formattır. Bu, işğal etilgen Qırım üzerinde Ukraina egemenliginiñ ğayrıdan tiklenmesi yolunda birinci adımdır.

“Bugün Kıyiv şeerinde keçirilgen Qırım platformasınıñ qurulış Sammitinde 46 çetel devlet ve halqara teşkilâtnıñ eyetleri iştirak ete”

Qırım platforması içki trekiniñ faaliyeti çerçivesinde Kıyivdeki ”Qırım habı” vazifesini becergen Ofisniñ binası avuştırılğan çeşit türlü Qırım akimiyet organlarınıñ, Ekspertler ağı azalarınıñ ğayretlerini birleştirüv, beraberlikte vatandaşlarnı qabul etüv, yerli ve halqara ekspertlerniñ iştiragi ile Qırımnı işğalden azat etüv ve ğayrıdan integratsiya etüvge bağışlanğan tedbirlerni keçirüv içün hızmet etecektir.

Şunı da qayd etmek kerek ki, bugünki birinci tedbirde devlet Başlığı, Ukraina çetel işler Naziri ve onıñ birinci muavini, davet etilgen ecnebiy eyetlerniñ vekilleri, Qırım mevzusı boyunca çalışqan cemaat teşkilâtlarınıñ azaları ve vaqtınca işğal etilgen Qırımdan kelgen Ukraina vatandaşları iştirak etti.
Ukraina Prezidenti Volodımır Zelenskıyğa vaqtınca işğal etilgen Qırım Muhtar Cumhuriyeti ve Aqyar şeeri topraqlarını işğalden azat etüv ve ğayrıdan integratsiya etüv oğrunda tedbirge teşebbüsçi olğanı ve bu müim vazifeni Temsilcilikke avale etkeni içün minnetdarlığımıznı bildiremiz. Qırım platforması Sammiti ve onıñ daimiy ofisiniñ faaliyetine qoşulğan, tedbirge kelip olğan er keske minnetdarlığımıznı bildiremiz.

Qırım platformasınıñ qurulış Sammitindeki çıqışında Ukraina Prezidenti Volodımır Zelenskıy qayd etekeni kibi, ”Biz bu Sammitni, tek adı olsun dep keçirmeymiz.

Qırım mevzusı halqara kün terbibinden kelecek yedi yıl devamında da yoq olmamalı. Onıñ içün biz, endiden başlap, ameliy faaliyetnen ve pek muayyen meseleler etrafında ğayretlerimizniñ yönetilüvinen oğraşmalımız”.

Qırım platformasınıñ içki treki boyunca faaliyeti yañı başlandı. Ukraina Prezidenti tarafından Temslcilikke buyurılğan işançnı ve mesüliyetni añlaymız.

Devlet Başlığınıñ işançını ve vaqtınca işğal etilgen Qırımda yaşağan Ukraina vatandaşlarınıñ beklentilerini yerine ketirmek içün qolumızdan kelgenini yaparmız.

Fotoresim: Ukraina Prezidenti Ofisi

Bugün Ukraina Prezidentiniñ Qırım Muhtar Cumhuriyetindeki Daimiy Temsilcisiniñ muavini Tamila Taşevanıñ Qırım Muhtar Cumhuriyeti ve Aqyar şeeri topraqlarını işğalden azat etüv ve ğayrıdan integratsiya etüv, Qırım platforması qurulış Sammitiniñ vazifeleri ve devletimizniñ bu yönelişte nevbetteki adımları aqqında intervyusı derc etildi.

“Ukraina Prezidentiniñ Qırım Muhtar Cumhuriyetindeki Daimiy Temsilcisiniñ muavini Tamila Taşeva ile intervyu”

Bugün Ukraina Prezidenti Volodımır Zelenskıy Qırım asıllı jurnalistlerge Qırım Muhtar Cumhuriyeti ve Aqyar şeeri topraqlarını işğalden azat etüv ve ğayrıdan integratsiya etüv ve Ukrainanı Rusiye Federatsiyası tarafından kele bilecek telükelerden qorçalav meselelerine bağışlanğan intervyusını berdi. İntervyu 2021 senesi arman ayınıñ 9-da Zmiyinıy adasında keçken arbiy-deñiz talimatlardan soñ yazılğan edi.

Qırım Muhtar Cumhuriyeti ve Aqyar şeeri işğal etilgen soñ Ukraina Prezidenti ilk kere Qırım asıllı olıp, mahsus ”Qırımnı nasıl etip qaytaracaqmız” leyhası çerçivesinde birleşken jurnalistlerge intervyu berdi. “Ukraina Prezidenti Volodımır Zelenskıynıñ Qırım asıllı jurnalistlerge bergen intervyusı”

Bugün Qırım MC Aqmescit rayonınıñ Mamaq köyünde yerli imam Rayif Fevziyev, Aqyar şeerindeki Balaqlava rayonınıñ Eski Şüli köyünde qırımtatarı Cabbar Bekirov, Qırım MC Bağçasaray rayonınıñ Zalanköy köyünde Zaur Abdullayev ve Aqyar şeerindeki Nahimov rayonınıñ Povorotne köyünde Rustev Murasov ve Rustem Tayirovnıñ evlerinde keçirilgen qanunsız tintüvler ve yaqalamalar qırımtatar halqını ve onı temsil etken organlarını Qırımdan quvuvdan, aqlarını qorçalvda er türlü birdemlik ve faallik izarlarını boğuvdan ve diniy baqışlar içün taqip etüvden başqa bir şey degildir. Yaqalanğanlarnıñ ekseriyeti faal grajdanlıq mevamını numayış etip, muntazam sürette siyaset esaslı mahkeme ceryanlarını ziyaret ete, siyasiy mabuslarnıñ qorantalarına qol tuta, köylerinde diniy tedbirlerni teşkil ete edi. “Ukraina Prezidentiniñ Qırım Muhtar Cumhuriyetindeki Temsilciligi vaqtınca işğal etilgen Qırım Muhtar Cumhuriyeti ve Aqyar şeeri topraqlarında Ukraina vatandaşlarını – vaqtınca işğal etilgen Qırım Muhtar Cumhuriyeti ve Aqyar şeeri topraqlarınıñ sakinlerini diniy baqışları ve grajdanlıq mevamları içün taqip etken Rusiye Federatsiyası işğalci akimiyetiniñ nevbetteki cinaiy areketlerini qattı şekilde taqbih ete”