Vatandaşlarnıñ muracaatları
Vatandaşlarnıñ muracaatları degende yazılı ya da sözlü şekilde taqdim etilgen teklifler (tenqit), ariza (rica) ve şikâyetler közde tutula.
«Vatandaşlarnıñ muracaatları aqqında» Ukraina qanunınıñ 5-ci maddesine köre, müracaatta vatandaşnıñ soyadı, adı ve babasının adı yazılmalı ve koterilgen sualniñ mündericesi aks etilmeli.
Yazılı muracaatnıñ tarihi belgilenip, onı teslim etken vatandaş tarafından imzalanmalıdır.
«Vatandaşlarnıñ muracaatları aqqında» Ukraina qanunına 2015 senesi iyül 2 künü kirsetilgen deñişmeler aqqındaki № 577-VIII Ukraina qanunı esasında, 2015 senesiniñ 28 oktyabrden başlap yazılı muracaatlar İnternet ve elektron alâqa vastalarınen (elektron muracaat) yollanıla bile.
Böyle müracaatta vatandaşnıñ soyadı, adı, babasının adı, yaşağan yeri ve koterilgen sualniñ mündericesi yazılmalı.
Yazılı muracaatnıñ tarihi belgilenip, onı teslim etken vatandaş (vatandaşlar) tarafından imzalanmalıdır. Bundan ğayrı, elektron müracaatqa cevap yollanılacaq elektron poçta adresi ya da müracaat etken şahıs ile basqa bağlanma usulları qayd etilmeli.
Elektron müracaat yollanılğanda elektron imzalanma talap etilmey.
Ukraina Prezidentiniñ Qırım Muhtar Cumhuriyetindeki Daimiy Temsilciligine muracaatlarını vatandaşlar aşağıdaki adreske yolllay bileler:
[email protected] elektron adresi 2017 senesi avgust 17 kününden başlap işletilmey, onıñ içün muracaatlarıñıznı ark@ppu.gov.ua adresine yollamañıznı rica etemiz.
Ukraina Prezidentiniñ Qırım Muhtar Cumhuriyetindeki Daimiy Temsilciligine vatandaşlar şahsen müracaat ete bileler.
Temsilcilikniñ mütehassısları vatandaşlarnı, bazar ve bayram künlerinden ğayrı, er kün 10:00 – 13:00, 14:00 – 17:00 saatleri arasında qabul eteler.
Ukraina Prezidentiniñ Qırım Muhtar Cumhuriyetindeki Daimiy Temsilcisi vatandaşlarnı şahsen er aynıñ bazarertesi künleri 14-00 – 16:00 saatleri arasında qabul ete
Ukraina Prezidentiniñ Qırım Muhtar Cumhuriyetindeki Daimiy Temsilcisiniñ şahşiy qabulına, bazar ve bayram künlerinden ğayrı, er kün 10:00 – 13:00, 14:00 – 17:00 saatleri arasında yazılmaq mümkündir.
Temsilcilikniñ çalışma cedveli:
Muracaatlarınıñ qaydı ve işlenmesi, vatandaşlarnıñ qabulı aqqında malümat.
İşbu telefon vastasınen bazarertesi kününden cuma kününe qadar Ukraina Prezidentiniñ Qırım Muhtar Cumhuriyetindeki Daimiy Temsilciliginiñ çalışma cedvelinde qayd etilgen saatlerde malümat almağa mümkün