Körüşüv çerçivesinde Anton Korınevıç adet üzre ürmetli musafirlerge Qırım Platforması Ofisiniñ faaliyetini taqdim etip, onıñ Ukraina Prezidentiniñ Qırım Muhtar Cumhuriyetindeki Temsilciliginiñ terkibinde ayrı bir bölük olaraq çalışıp, Ukraina devlet akimiyet organlarını, ecnebiy devletlerni, halqara teşkilâtlarnı ve Qırımda yaşağan Ukraina vatandaşlarını birleştirüv ve aralarında bağ tutuv içün daimiy sürette hızmet etecek bir meydançıq olacağını bildirdi.
Bundan ğayrı, taraflar Qırım platformasınıñ parlament seviyesindeki faaliyeti çerçivesinde kelecekteki işbirliklerini, ”Qırım platforması paketine” kirgen qanun leyhalarını azırlav ve qabul etüv, cetel devletlerdeki dostane gruppalarnen işbirlik ve vaqtınca işğal etilgen Qırım Muhtar Cumhuriyeti ve Aqyar şeeri topraqlarını işğalden azat etüv ve ğayrıdan integratsiya etüv, vaqtınca işğal neticesinde zarar körgen Ukraina vatandaşlarını qorçalav ve Rusiye Federatsıyası tarafından siyasiy sebeplerden azatlıqtan marum etilgen Ukraina vatandaşlarına qol tutuvnı maqsat etip qoyğan başqa tedbirlerni de muzakere ettiler.
Parlament azalarına ve celp etilgen başqa şahıslarğa vaqtınca işğal etilgen Qırımnı işğalden azat etüv oğrunda faal qol tutuvları ve Qırım platforması vastaları çerçivesinde faaliyetleri içün minnetdarlığımıznı bildiremiz.