Mütenasip plan devlet akimiyet organları, uquq qorçalayıcı organlar ve cemaat teşkilâtları ile beraberlikte azırlandı.
Plannıñ esas müellifi olğan Vaqtınca işğal etilgen Ukraina topraqlarını ğayrıdan integratsiya etüv meseleleri boyunca Nazirlikke ve plannı meydanğa ketirüvde doğrudan-doğru iştirak etken diger cemaat müessiselerine ve cemaat teşkilâtlarına minnetdarlığımıznı bildiremiz. Ümüt etemiz ki, belgilengen vazifeler eñ yaqın vaqıtta amelge keçirilir. Temsilcilik taqımı vaqtınca işğal etilgen Qırım Muhtar Cumhuriyeti ve Aqyar şeeri topraqlarını eñ yaqın vaqıtta işğalden azat etüv ve ğayrıdan integrasiya etüv oğrunda işbu plannı mükemmelleştirüv ve vekâletleri çerçivesinde ayrı vazifelerini yerine ketirüv faaliyetine azırdır.