2014 senesi saban (mart) ayında BM Baş assambleyasınıñ Qararnamesinde qayd etilgen tanımama siyasetine riayet etüv meselesi, sanktsiyalar siyaseti, insan aqlarınıñ bozuluvı meselesi, işğalci «organlar» tarafından areket serbestliginiñ sıñırlanması, mülkiyet aqlarınıñ bozulması, Ukrain kilisesine qarşı basqı ve vaqtınca işğal etilgen Qırım topraqlarında tamır qırımtatar halqınıñ aq-uquqlarını bozuv kibi meseleler muzakere etildi.
Bundan ğayrı, vaqtınca işğal etilgen yarımadada COVİD-19 pandemiyası ile bağlı çağıruvlar ve işğalci devlet Rusiye Federatsiyası grajdan ealini qorçalav ve onı mütenasip seviyedeki tıbbiy yardım ile temin etüv kibi mecburiyetlerini yerine ketirmegeni sebebinden vaqtınca işğal etilgen Qırımda yüz bergen gumanitar buhranğa ayrıca diqqat etildi.
Qırım Muhtar Cumhuriyetini ve Aqyar şeerini ilhaq etüv teşebbüsini tanımağan ve vaqtınca işğal etilgen topraqlarda Ukrainanıñ topraq bütünligini ve egemenligini ğayrıdan tiklev oğrunda ğayretlerini birleştirgen ortaqlarına öz minnetdarlığını bildire.