26 08 2020

Ukraina Nazirler Şurası 2020 senesi arman ayı 26 künü qabul etken qararğa binaen, arman ayı 29 künü saat 00:00-dan başlap, 2020 senesi arman ayı 8 künü qabul etilgen «SARS-CoV-2 tacmarazı sebebinden COVİD-19 hastalığınıñ Ukraina topraqlarında peyda olıp darqaluvına qarşılıq kösterüv maqsadınen vaqtınca işğal etilgen Qırım MC ve Aqyar şeeriniñ sıñırlarında yerleşken kiriş-çıqış nezaret etüv noqtalarınıñ vaqtıca qapatıluvı aqında» 979 sanlı qarar toqtatıla.

KÇNN-dan keçüvge dair tafsilâtlı malümat yaqın vaqıtta haber etilecektir. Ükümet qararınıñ tolu metini yarın derc etilecektir.

Ukraina Prezidentiniñ Qırım Muhtar Cumhuriyetindeki Temsilciligi vaqtınca işğal etilgen Qırım yarımadasınıñ sakinlerini qorçalav ile oğraşqan Ukrainanıñ vaqtınca işğal etilgen topraqlarını ğayrıdan integratsiya etüv meseleleri boyunca Nazirlikke öz minnetdarlığını bildire.

Sıñırlavlar devirinde vatandaşlarğa KÇNN-dan keçmege yardım etken Ukraina devlet sıñır hızmetine ve hususan Ukraina devlet sıñır hızmetiniñ Herson sıñır bölügine ayrıca minnetdarlıq bildirile.