İgor Yaremenko kiriş-çıqış nezaret noqtalarınıñ faaliyeti ile tanıştı. Devlet sıñır hızmetiniñ Herson sıñır bölüginiñ reisi Yuriy Çernov ve Ukraina Prezidentiniñ Qırım Muhtar Cumhuriyetindeki Daimiy Temsilcisi Anton Korınevıç karantin sıñırlamaları şaraitlerindeki faaliyetni tarif ettiler. İş ziyaretinde Herson vilâyeti devlet memuriyetiniñ başlıq muavini Vadım Çaban da iştirak etti.
KÇNN-da, memuriy hızmet merkez hadimleri ile qonuşmalardan ğayrı, memuriy sıñırdan keçken Qırım sakinleri ile de qonuştılar.